قولي يا ضمير :: من تأليفي::

مين قال اني شاعر

انا مجرد عابر سبيل

قال كلمتين في حق الوطن

وكان من الأدلة دليل

وقلت في عقل بالي

طاب وانا مالي

ضميري قال ازاي

قلتله دا قابيل قتل هابيل

قالي لا انت ملك الكلمة

ولازم تصرخ بعلو الصوت

شعرك ..

كلماتك..

أقوى سلاح..

قوم يللا بطل كسل

وحي على الفلاح

دي البلد بقت سداح مداح

والمسخرة بقت كفاح

ويقولك

داحنا في عصر الانفتاح

قلتله ومين يحميني

على من يعاديني

قالي

انت شاعر ذليل

خايف تقول انك شاعر

دانت بتقول شعر جميل

دول أخرسوا كل شئ

حتى الحمام ملوش هديل

والصمت دلوقت

ملوش مثيل

ليه عايز توطي صوتك

وانت كلامك عبير

بتقول كل حقيقة

وعلى بلدك بتغير

قلتله وانا هعمل ايه

برضه مفيش تغيير

دا الظلم مرير

قاللي صوتك في ودن الظالم زئير

وفي ودن كل الحمير

وفي ودن اتخن تخين

قلتله بلاش أتخن تخين

قاللي ماهو سبب الغريق والحريق

والنظيف ليه معين

على الناس الغلبانين

دا الفساد

على ايده ساد

وفي جتة البلد بيرعى

افتكرلك ايه ولا ايه

وكل ذكرى ليه بدمعة

خلاص يا ضمير

متقولش كتير

مانت عارف وانا عارف

قلبي على البلد خايف

يا ترى هيودينا لحد فين

أقنعتني يا ضمير

انا شاعر مش هايف

زي مانت شايف

من تأليف : (كلاشنكوف)

رووووووووووووووووووووووووووعــهــ,,,,

تألـيف بجد رووعه ومنسق ومنمق

وبصراحهـ انت شــاعر بمـعنى الكـلمة

تقبل مروري : وتحياتي لك ولجميع ضيوفكـ الكرام

رااااااااائعه ومنظمه جدااا

تسلملي اخوي ومنتظره تقول لأعضائنا شعر بالاسامي هههه<< طماعه

تحياتي

مبدع اخي الغالي

جميل ماتخطه يمناك لهذا المنتدى الغالي

تحياتي

» قيثارة الشوق :: من تأليفي ::