تعرفون وش هو الغرام !؟؟

يالي تقولوا نعرف الغرام

سالت حالي وش هو الغرام ؟؟

لقيت فيه اجمل كلام.. حب وعشق ودنيا هيام

انسان يعشق انسان.. ويكلمه وهو فرحان .. ينتظره بكل احترام .. ويعد اوقاته باهتمام

ولهان يحاور ولهان... وعشقان يسال عشقان

شخصين يعيشوا بسلام .. كلامهم كله اهتمام.. افعالهم لها احترام... وحبهم واو يا سلام

مجنون يغازل مجنونه... وشاعر يترسم بعيونه... وولهان ينادونه مفتونه ... والاهم انه انسان الحب باين بعيونه... لوحة الوانها متقونه... وبسمه بالحب مزيونه... واغنيه ترقص لشجونه

بس تعرف وش هو السؤال ؟؟؟ هذا الي قلته تتوقع اي غرام ؟؟؟

هذا غرام اول... يوم الزمان ولا اجمل... بس الحين الوضع تحول

تعرفوا ايش الغرام؟؟ تعرفوه هذه الايام؟؟؟؟!!!

كلام ولا اسهل... وحياة اتحداكم تكمل ... او حتى تستاهل تتامل

انسان يلعب بانسان... ويكلمه وهو جدا فرحان ... يستهبل وياشر بالبنان... ويقول شوفوا المسكين الغلبان
مشاعر كلها حرمان ... وساعات تضيع بهيمان ... بس مو هيمان زمان ... ولا حتى لعب زمان.. مع انه ما كان في لعب زمان

بصراحه عندي سؤال وشرايكم بحال الانسان؟؟

والا اقولكم وش رايكم بوضع الغرام ؟؟

بسالكم عن ايام عنتر ... اكيد تعرفوا عنتر ... الي تولع وهو اسمر ... حب انسانه سماها القمر

كتب فيها اجمل شعر ... وتحدى عشانها اقوى البشر... ورسمها احلى بدر

بلاش عنتر... يمكن حياته غير وكانت كلها قهر

شوفوا قيس الملوح ... رجال كان ولا املح ... جمال ومال وعلى قولتنا شي صح

ولما حب ليلى كانه حصان ورمح ... لف الدنيا عشانها وما اعتقد بيوم استرح

علمنا وش هو الحب ووش هو المرح ... ومبادئ الحب والتضحيه وضح

باختصار جنبهم والله ما عندنا سالفه ... وحياتنا وحبنا قصص تالفه ... مشاعرنا زيف وليالينا عايبه

نحب هذه ونحب هذا واخرتها وش السالفه؟؟؟

ما عندي رصيد اشحنلي عشان نكمل السالفه ... او ياربي ابوي جا وانا من عصبيته خايفه

ويمكن بروح الكوافيره وبلون شعري محتاسه ... او بطلع السوق بشتري لشعري لفافه

او نصبه مكشوفه من اسلاف اسلافه ... بروح باريس في الصيف وبجيب سياره كاشفه

شغلي مدير... واموالي كثير... ومن الزين عندي الوفير.. ومصاحب كذا امير... عمي اهم وزير... وخوالي من النفط عندهم بير

والحقيقه...........!!!!!!!!!!

انتي تلفونك خط ماهو كرت... وابوكي مسافر ويلبس كت... وعمرك ما تدلعتي وما ينادوكي الا يابنت

و انت صيفك في جده ...وسيارتك من قدمها ما فيها الشده... والابلى انك اجير براتب على قده... تنتظر نهاية الشهر تستلمه وتبوس يده

سيارتك دين... وحظك وفير من الشين... وجوالك شهر عليك وشهر علينامن زين ...وحياتك داين مدين... وعمامك مساكين... وخوالك الله المعين

يا اخوان الحب صاير استهبال.. وما احد حاطه في البال... ينباع وينشرى حتى في سوق الحلال... واغلبه يصنف من الانحلال

والمصيبه كل الشباب ماشين فيه.... وعارفين شو نهايته وشو ماضيه.... وفاهمين الموضوع وكل معانيه... بس الظاهر لا حياة لمن تناديه!!!!!!!

دريتوا الحين وش هو الغرام؟؟ وعرفتوا معنى الكلام ؟؟؟ وفهمتوا لعبة الهيام؟؟

اتمنى تكونوا بصحة وسلام.. وبالكم مرتاح وعارف ينام

مني لكم احلى سلام بخاطرتي وبكل هذا الكلام

خطييييييييييره بمعنى الكلمة الله يعطيكـ العافيهـ . . . !

ومن الممكن تصنيفه من المواضيع المتميزهـ ..

تحياتي لكـ..!