مسجات زعل

زائر

ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

===== =====

طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره

== === === ==

الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...وافي الجروح

===== === ==

لو الزمن مره يجينى على الكيف
مقدار ما يفهم لبيب الا شاره
بشرت غلطا تى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره !!!

===== =====

الحين بس أقدر آخذ قراري
اللي من محيرني من العام لليوم
بعدك ونكرانك ورد اعتباري
ثلاث حاجات بها القلب مهموم

== === === ==

((مسكين قلبي هو بدى منه تقصير
هوناقصك يعني تجئ تستغله...!!))

== === === ==

زفـــــــت لـــى الفــــــرقا تبـــــاشير حلـــــمى
والـــــــحمد للة مابـــــــقى لــــــى كـــــود حســــرات

== === === ==

خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني

== == === ==

((يابنت...ياللي كل همك غرامي
الظاهر انك .جاهله بالعناوين

كم قلت لك هالحب ماهو مرامي
روحي اكيد انك بدالي تلاقين .!!))

== === === ==

فجري اللي تبينه من غيابك وغيبي
اصلا القلب ..ما بقى به شظايا !!
واتركي لي جروحي جعلها ما تطيبي
ولاتخلين عندي .منك اية.. بقاياا !!
غلطتي واحتملها يوم اعامل بطيبي
واحسب الناس مثلي واضحين النوايا..!!

== === === ==

شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه

== === === ==

سلامتك معاد لي رغبة فيك
لاصد قلبي صد من دون رجعه ..

== === === ==

مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....

===== === ==

مع السلامه

مانبي غير
فرقااك

دامك مقفي
مالنا
فيك
قدره

== === =====

دنيا تضيق وفزعة الله قريبه
وعند الفرج مايخذ الضيق ساعة ...

===== === ==

لا فـاضــت أحــزانــي ولا زاد هـمـي
ولا إنشـويـت مـن الـفـراق وتحــرقــت

لا مـت مـن صـدك ولا فــار دمــي
لأن الحكــايـة كلــهـاا مضـيــعة وقــت

== === === ==

ما دام طعت الوقت فيني واقفيت

تحمل اللي يجيك لا جيت تايب

== === === ==

كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني

== === === ==

لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجــــيبك

===== === ==

هــذا الــزمــن حــاكم وأنــا فيــه
محكــوم
مــاهمنــي كبــر الفضــا و
أتســاعه
مــدام دمعــي جــف والقلــب
مصـدوم
بقــول للأحـزان سمعــا (ن) و
طــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل
ســاعه؟

== === === ==

لا تحسب ان القلب هام وضمنته..

نذر علي ان ذلني ما اعترف فيه..

== === === ==

لاتنتظر منا الرجوع انتهينا
كم واحدن قبلك تكبر وعفنــــــــــاه ؟

== === === ==

أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!

== ======= ==

رص المشاعر بالحبر يا قلم رص
وبعد المشاعر باقي الحب رصه
قلبي يعاني وانت بالحب مختص
وانت اللذي عقلي بلافكار خصه
قصه غرام وكانت اكبر من النص
فها حبيب ساكن القلب نصه
اخر كلامي اطلبك ياقلم وص
خلو علاجي بالاشواق وصه

== === === ==

قالت فمان الله واقفت وانا اقول
متى علي يا زين تنوي الرجوعي
قالت وهي تبكي فراقٍ على طول
واهتز قلبي هزتينٍ تروعي
واقفت وانا حاير ما ادري وش اقول
حاولت اجامل وافضحنّي دموعي
ونيت ونه واحدٍ طاح مقتول
منها خفق قلبي وحطّم ضلوعي
من شاف حالي عقبهم قال لاحول
اسهر وحدي والخلايق هجوعي

== === === ==

عشرة عمر معك انتهت وانتهينا
وآخر دقايقها دموع الوداعي
شيٍ طبيعي نفترق من بعضنا
فرقا وراها ما اظن اجتماعي
غرّت بنا الايام غصبٍ علينا
واستعجل المكتوب طوى شراعي
ورد المحبه فرّطت به يدينا
واصبح هوانا مرجعه للضياعي
لابد ما تنسي حدينا السنينا
والا بقلبي جروحه وساعي

== === === ==

لاتنصدم لو شفت بعيوني الموت ..!!
قبلك اشوف الموت .. داخل كياني
تعبت ارتب لك من احساسي بيوت
تعبت افكر كيف قلبك رماني..!
لا تكسر أغصاني لجل تقطف التوت
ياخي دخيلك ماتلاحظ مكــــــاني ..؟!

== === === ==

انا لاجتني الزله من الجاهل وهو كذاب
تركت القافله تمشي وراها تنبح كلابه
ترى بدري على مثلي تعيب وساسها معياب
ياليت اللي يعيبني يحاول يستر ثيابه

== === === ==

خل الجمال اللي بوجهك يسرك
لاصار قلبك من حلا الروح خالي
لاصرت ماترفا حبيبن يبرك
وش خانت العشره من اول وتالي
اللي وطا هالناس لازم يمرك
اصبر وشوف الوقت يثبت مقالي

== === === ==

بحضر زفافك مثل باقي المعازيم
لو كان في ليلة زفافك وفاتي
بحضر نهاية قصة الحب والضيم
واكتب على جرح الهواء ذكرياتي

= == === === ==

ودعتها واخفيت عنها دموعي
خايف تحس بحسرتي والتياعي
قالت فمان الله ونطر رجوعي
واشرت بالتوديع حال استماعي
ساكت ولا رديت ماهي طبوعي
من عبرتي تفرض علي امتناعي

== ====== ==

تعشق معي عشره وفينـا تفننـت

هـذا تبسملـه وهـذا شطبـتـه

انا ترى لااقفيـت قفيّـت مابنـت

والشخص لامني كرهته كرهتـه

مااذل نفسي وارخي الراس يابنت

واللي بغا فراقي تـرى ماجبرتـه

== === === ==

نفسي عزيزه وافهم العلم لاهنـت

الـذل مايـوم ٍ بعمـري تبعـتـه

رفضت غيرك وانت بالحب مالنت

ياقرد حظي يوم غيرك رفضتـه

واذا الغلا يرجع على معرفة نت

انسى الذي بينـي وبينـك كتبتـه

== === === ==

حسبي عليك بجرح قلبي تمكنـت

ادخلت سم الغدر فيـه وجرحتـه

وانا نسيت اني عرفتك على النت

كنت اعتقدك اوفى عشير ٍعرفته

واثر الغلا زوّال ياسرع ماخنـت

كم واحد ٍ غيري بزيفـك عشقتـه

== === === ==

مصدر حيــــــــاتي عزتي واعذرينـــي
مقدر اواصل بالهوى حـــــــــاني الراس
صحيح حبك نقـــــــطة الضعف فـــــــــيني
مانكرت لــكن عــــــزتي مالــــــها قـــــــياس

== === === ==

انــــــــا نسيــــــتك ورب البـــيت نسـاني
ماعاد بـه شــــــي مابيــــنك ومابيـــــــني

== === === ==

اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عند سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها امخلوق
والنجم لاطاح قالوله هوى

== === === ==

أبتركك للغير منهو يسليك
وأببتعد وأنسى ماضي مسيرك

دامك هويت الغير فالله يهنيك
وأنا باعيش أذكر على الدوم خيرك

خلك معه خلك.. يمكن يراعيك
بس لاتجيني لامن خلاك وحب غيرك

زائر

قال ابي امشي
قلت عفوا على وين
قال بقفي
قلت مرواح جدي
وش صار يعني لابغيت تقفي
بأموت يعني لانويت بصدي
انا قوي الباس مانيب مسكين
واموت انا في شي اسمه تحدي

== === === ==

ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحاالارض وخلا هالسماء
زرقا لعلمك كيف تندم يوم تهجرني

== === === ==

عتبرني حلم عابـر في حياتك

اعتبر حبي سحــابة في سماك

اعتبرني من بقايــا ذكرياتك

اعتبرني شخص مـا يرغب لقاك

ابتعد واجمع مع غيري شتاتك

يوم صــار الغير هو غاية هواك

التسلي بالمشاعر من صفاتك

يـــا فقير الحب اتبع من غواك

روح دور يا عديم الذات ذاتك

بارخص الاسعار يخسر من شراك

== === === ==

بسكت واخبي جرح قلبي عن الناس
مادمت ياخلي في بعدي تناسيت
افهم ترا مافيني شي من الياس
لاني عرف الحب صادق وحبيت
دام الغلا مع كل شخص له اقياس
مات الغلا من يوم عني تخليت

== === === ==

روح ولا ترجع ولاني مناديك ** صامل ** درب الجفا لامن بغيته تدله

== === === ==

حبيبى ماهو بكيفى اموت لخاطرك وأحياك

أنا وربى على ايدك اموت بلحظه وأحيابك

تصدق من كثر ماكنت أحس براحتى وياك

احس استغفر الله
استغفر الله

جيت للدنيا من اسبابك

== === === ==

طلعت روحي قد ما احاول أرضيك
والقلب حاول فيك قدر استطاعه
والعين باغلى دمع راحت تناديك
وتشكيك شكوى ميتين المجاعه
والله لو ادري ان هذه مواريك
وانك نويت تخون واثمن وداعه
ما كان صدقتك ولا جبت طاريك
يا واحد فرق بشملي وباعه
اخذت مني ما يهمك ويكفيك
اخذت كلي صدق ماهو اشاعه

== === === ==

للمعزه براسي يابنيه رصيد
لوتطيح المعزه وش نبي بالحياة
كانها بلمعاند ابشري بالعنيد
وكانها بالتحدي ماتحدى بنات

======== ==

وصيت هلي لاذبحني غلاكم
قدام بيتك بالثرا يدفنوني
ترتاح روحي يوم اجي في ثراكم
وذا وحشتك قلهم يظهروني
هذا الوعد والله يقبل عزاكم
واذا مشيتوا فوق قبري ((اذكروني

خلنا نفترق

ولا تنسج لي أعذار
ولا أرسم لك أسباب
نقول نصيب
ونكتفي
و ياما
فرق هالنصيب أحباب

تبغاني ابتعد عنك
وأجفاك وأنساك
عطني مثل قلبك وأسوي سواتك

يا للي جاي تهدد
تحسب إنك قدي
ولا عرفت من أبوي وجدي
بعدك يابا ماشفت
ولاعرفت التحدي
عهد علي
لأخليك تكلم نفسك
وأنت ماتدري

أي محبه وأي عشرة وأي حنان؟؟
وأي شوق اللي إنت تتكلم عليه؟؟
يعني واثق إن باقي لك مكان؟؟
وإن قلبي يرد لو ترتجيه؟؟
قلبي اللي غلطته حبك وصان
لو يصافح قلبك كنت أقطع له ايديه
أي محبة بعد مافات الأوان؟؟
أي حنان اللي تبي تعوضني فيه؟؟
وين كنت يوم أنا احتجتلك زمان؟؟
وين حبك يوم أنا ميت عليك؟؟
روح للي لأجله بعت الحب زمان
بس لاتنسى تسلملي عليه

أشكرك
قلبك كبير
مرهف احساسك كثير
اشكرك من كل قلبي
بعتني والله بضمير

أضحــــــك
مردك بيوم تواجه الدمعه
إما على جيتي،،
ولا على فراقي..

آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحين جيت تقول انسى عشاني
جابك زمانك خلك اليوم
(ما أبيــــــــك)..

كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين...

خلقت لي شموخ وهامة
ماطالها طويلين الانفاس
وكونت لي عرش رفيع مقامه
مايوصله جن ولا يوصله ناس
ورفعت نفسي فوق هام الغمامة
اشوف زلات البشر وارفع الراس
واليوم كلن خصني بإحترامه
واللي معاديني بالأقدام ينداس...

أنا عمري بقايا شمع
أحرقني الأسى والدمع
إذا مافيك ترحمني
أحرق مابقى مني..

علامك مهملني؟؟
وفي رفّـك أنا تذكار..
إذا كان الهدف بعدي..
أنا حاضر وممنونك...

عرفت الناس والدنيا وطريقي
وعرفت إن الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيري غريق
تنكر من هواي ومن حناني!!!

تحسبني ميت عليك؟
صدقني تراك غلطان..
أحبك أنا قلتها صحيح!
بس ترا وش كثرها بها الزمان..
هي كلمه مثل غيرها عند الناس صارت دايم تنقال..
إي نعم مني سمعتها!
بس تراني ما اعتبرها إلا زلة
لســـــان!!!

قبل انتـفارق سطرتلك يميني آخر رسالة حب أودعك فيهااااا!!!!!
هذا قدرنا بالهوى صدقني الاايام ماتمشي على مانبيها
ودعتك الله وإن قسيييت أعذرني وعيوبي اللي تعرف

استرها وان كان عذبتك معي سامحني وانسى ذنوبي الاوله واغفرهاااا....

أنا عزيز النفس والله وتدرين
ما أخضع لجل ضحكه ترسمها عيونك
وآخر كلامي لاجيتي تردين
بقول روحي وقلبي عارف يخونك
قولي أحبك قولي اللي تقولين
خلاص ((جارح) ) عود نفسه بدونك
والوعد قدام والحبيب يشوف ..
_______________
ماهقيتك تهجر وتجفى قلب يهواك
ماهقيتك تفرح لما تشوف قلبي يتحطم
ارحل ماعادت عيوني تطيق رؤياك
ارحل ماعاد فيني شي لك يهتم
_______________
فز الخفوق وضاق عقب اتساعه
باسباب ذكرى وسط قلبي دفينه
يا شين عقب الوصل طبع القطاعه
لا صار قلبك عند خلك رهينه
_______________
مادام قلبي يا هوى البال يغليك
ارجوك انا يابنت لا تتركينه
قلبي معك سلمته اليوم بيدك
عندك ترى ياروح روحي رهينه
_______________
انا ((جارح) ) ماني لعبه
ان بغيتيني وفا
وان بغيتيني دفا
ان بغيت مسحتك في لحظة جفا
لا تغرك معزتك
هو صحيح اني هواوي
وفي الهوى جرح واداوي بس ( هـــا)
ما تعيش اللي توطي هامتي
ولا تقدر وحده مثلك تثني قامتي
_______________
غيبي شهر
غيبي سنه
غيبي اعوام
تراك صرتي بحياتي ولا شي
قلب حوى حبك غدى كله الام
حــــبــــــــــــــك
ولكنك جزيتيه بالكي
_______________
ليتك يا عزيزي لنا جار
يوم اجيك ويوم مثله تجيني
وليت المسافه بيني وبينك جدار
والباب بنص البيت بينك وبيني
حيثك عزيز ولك مع العز مقدار
وايضا تساوي بالغلا مثل عيني
_______________
ياخي وش فيه تغير اسلوبك ؟؟
تغير علينا وغره زمانه
ما صرت تعرفني ولا صرت محبوبك ؟
صارت حياتك خيانه في خيانه
مدري ويش اللي غيرك وغير دروبك
وصارت طبايعك كلها لعاااانه
اقول عوّد وصلح عيوبك ؟
ومن حب العيب نادوه ولد فلانه!!!!!
_______________
يالغايب اللي قسيت وضاعت اخبارك
ايام ضاعت هدر ماهي من سنيني
بغيابك اذبل عسى ماتذبل ازهارك
عساك طيب عشان ان مت تبكيني
_______________
ماعاد لي قلب
يهمه حضورك
ولاعاد لي نفس
تحبك وتغليك
يعني كذا مليت
ظلمك وجورك
أنا لي الله وأنت
لك من يصافيك
_______________
ياما نصحتك و قلت البنت لعابة،،
تستاهل اللي يجي لك من سبايبها...
شعارها للمحب "كل شي بحسابه"،،
و إن طحت لا صبتها ولا انت سايبها...
وإن جيت للصدق تراها صدق كذابة،،
و أول دليل )إني واحد من حبايبها(
_______________

موضوع: رد: مسجات زعل الخميس أبريل 02, 2009 8:40 pm

بحضر زفافك مثل باقي المعازيم
لو كان في ليلة زفافك وفاتي
بحضر نهاية قصة الحب والضيم
واكتب على جرح الهواء ذكرياتي

يسلمو حموز ع الرسائل من جد محزنه

تحياتي لـــــ:ـــكــ..

زائر

ماشاء الله

زائر

شكرا ع المرور الرائع

» ** مسجات فراق & مسجات حزينه **
» مسجات حزن
» مسجات شوق
» مسجات مدح
» مسجات حب